MANILA, Philippines – Katatanggap pa lamang ni Pangulong Rodrigo Duterte ng pagbibitiw ni Vitaliano Aguirre II sa Department of Justice (DOJ) ay may nahanap na siyang kapalit.
Nanumpa kay Duterte ngayong Huwebes bilang bagong DOJ secretary si Menardo Guevarra.
BASAHIN: Digong tinanggap ang pagbibitiw ni Aguirre
Menardo Guevarra officially sworn in as the new Secretary of Justice. pic.twitter.com/nv2UpvzZl9
— The Philippine Star (@PhilippineStar) April 5, 2018
Bago pamunuan ang DOJ ay nanilbihan bilang Senior Deputy Executive Secretary si Guevarra.
Napabalita munang sisibakin ni Duterte si Aguirre dahil sa kinasangkutan ng kagawaran na iba’t ibang isyu kabilang ang pagkakabasura ng kaso laban sa mga pinaniniwalaang drug lord ng bansa.