House justice panel inaprubahan ang articles of impeachment vs Sereno

MANILA, Philippines — Naipasa ngayong Lunes ng umaga ng House of Representatives justice panel ang balangkas ng articles of impeachment laban kay Chief Justice Maria Lourdes Sereno.

Sa botong, 33-1, inaprubahan ng komite ang mga reklamo laban sa punong mahistrado.

SInabi ni Oriental Mindoro Rep. Reynaldo Umali na 24 mula sa 27 "impeachable acts" na inihain ng abogadong si Lorenzo Gadon ang nakasama.

Ilan sa inakusa ni Gadon kay Sereno ang corruption, culpable violation of Constitution at betrayal of public trust.

Sinabi ni Umali na malakas ang ebidensya laban kay Sereno na pinagbsehan ang psychological findings at mental disorder ng chief justice.

Naka indefinite leave si Sereno sa mataas na hukuman upang paghandaan ang impeachment trial sa Senado.