Walang ‘extra-ordinary threat’ sa Pista ng Nazareno
Pista ng Black Nazarene. AP/Bullit Marquez, File
MANILA, Philippines — Walang “extra-ordinary threat” sa nakatakdang Pista ng Black Nazarene sa darating na Enero 9, ayon kay Presidential Spokesman Harry Roque.
“Well, I don’t think there’s any extraordinary threat ‘no. We will exercise the same kind of diligence that we have done in the past,” wika ni Roque.
Aniya, magpapatupad ng mahigpit na seguridad ang pulisya kaugnay sa darating na Pista ng Nazareno sa Enero 9.
“This is already the second Nazareno for this administration and we know how to maintain peace and order in the Nazareno festivities,” dagdag pa ni Roque.
Idinagdag pa ng presidential spokesman, wala pa namang rekomendasyon ang pulisya at iba pang law enforcement agencies upang magpatupad ng signal jammer kaugnay ng darating na Pista ng Black Nazarene sa Quiapo, Manila sa darating na Enero 9.
Magugunita na inanunsyo na ng PNP-NCRPO na magpapakalat ito ng 5,000 pulis upang magpatupad ng seguridad sa Kapistahan ng Nazareno.
Tinatayang aabot sa 5,000 bilang ng pulis ang idi-deploy sa lungsod ng Maynila upang tiyakin ang seguridad sa nalalapit na pista ng Itim na Nazareno sa susunod na Martes (Enero 9) alinsunod na rin sa patuloy na nasa full alert status ang buong puwersa ng National Capital Region Police Office (NCRPO).
Related video:
- Latest
