Traffic Crisis Act may pondo na
Base sa House Bill No. 3 ang panukalang nagbibigay ng emergency powers para sa pangulo ay siyang tutugon sa matinding pagsisikip ng daloy ng trapiko sa bansa at magbibigay kapangyarihan kay Duterte para magpatupad ng rules and regulations na kinakailangan para maipatupad ang kanyang kapangyarihan. File
MANILA, Philippines - Inaprubahan na ni House Appropriations Committee chairman at Davao Rep. Karlo Alexie Nograles ang pondo para sa panukalang “Traffic Crisis Act”.
Base sa House Bill No. 3 ang panukalang nagbibigay ng emergency powers para sa pangulo ay siyang tutugon sa matinding pagsisikip ng daloy ng trapiko sa bansa at magbibigay kapangyarihan kay Duterte para magpatupad ng rules and regulations na kinakailangan para maipatupad ang kanyang kapangyarihan.
“We have to equip the President with necessary powers to address the immense and growing traffic dilemma which affects not only Metro Manila but most of the country’s urban centers,” ayon kay Nograles.
Paliwanag pa ng kongresista, ang matinding pagsisikip ng daloy ng trapiko sa Metro Manila at kalapit na urban centers ay maituturing na national emergency kaya kailangan ng extra-ordinary measures pa masiguro ang mabilis at tuloy-tuloy na implementasyon ng polisiya at infrastructural reforms na reresolba sa nasabing problema.
Tiwala naman si Nograles na ang panukalang Traffic Crisis Act at iba pang mahahalagang panukala ay maisasalang na agad sa plenaryo matapos ang State of the Nation Address (SONA) ng Pangulo sa Hulyo 24.
- Latest
