P20-B Marawi rehab plan inihahanda na
Inihahanda na ng Department of Public Works and Highways (DPWH) ang kanilang master plan para sa Marawi rehabilitation sa sandaling matapos na ang kaguluhan sa lungsod na nilikha ng Maute group. AP/Aaron Favila, File
MANILA, Philippines - Inihahanda na ng Department of Public Works and Highways (DPWH) ang kanilang master plan para sa Marawi rehabilitation sa sandaling matapos na ang kaguluhan sa lungsod na nilikha ng Maute group.
Sinabi ni DPWH Sec. Mark Villar, magandang panimula ang ilalaang P20 bilyong pondo ng gobyerno para sa Marawi rehabilitation.
“P20-B for Marawi rehab a good amount, but I can’t say for certain how much the rebuilding would cost,” sabi ni Villar.
Aniya, malalaman lamang ang actual na kakailanganing pondo kapag nagsagawa na ng actual assessment ang DWPH sa lungsod upang mabatid ang kailangang gastusin.
Idinagdag pa ng DPWH chief, kapag sisimulan na ang rehabilitation ng Marawi ay hindi basta-basta bunk houses ang kanilang itatayo bagkus ay pabahay na maayos para sa mga biktima ng giyera.
- Latest
