MANILA, Philippines - Isang bangkay ng lalaki ang nadiskubreng walang buhay habang nakabigti ang sarili sa loob ng isang garahe sa Barangay Batasan Hills, Quezon City, kahapon ng madaling araw.
Sa ulat ni PO2 Julius Raz, imbestigador ng Quezon City Police Dstrict-Crminal Investigation and Detection Unit (QCPD-CIDU), ang biktima na nakilala sa pamamagitan ng police clearance data card na si Leonardo Gulmatica Jr., 34, pipe pitter, tubong Culasi, Antique at residente ng Purok 4, Luzon Avenue, QC.
Ayon kay Raz, ang biktima ay nadiskubreng nakabitin sa kisame ng garahe ng isang bahay na matatagpuan sa may Session Road Talanay Area, Brgy. Batasan Hills, QC, dakong alas- 2:30 ng madaling araw.
Sa pagsisiyasat ng Scene of the Crime Operatives (SOCO) walang nakitang anumang sugat sa katawan ng biktima maliban sa ligature mark sa kanyang leeg.
Sa kasalukuyan ang bangkay ng biktima ay nasa pangangalaga ngayon ng Pacheco Funeral homes para sa otopsiya. Patuloy ang imbestigasyon sa insidente.