MANILA, Philippines - Tatlo ang mapalad na maghahati sa P286 milyon na jackpot prize ng Ultra Lotto 6/58 matapos nilang tamaan ito kamakalawa ng gabi.
Ayon kay PCSO General Manager Alex Balutan, ang tinamaan ng 3 winners ay ang kumbinasyong 10-21-23-06-27-09 ?sa 6/58 Ultra Lotto draw kamakalawa ng gabi.
Ang kabuuang jackpot prize ?sa 6/58 Ultra Lotto draw ay nagkakahalaga ng P286,007,372.
Sinabi ni GM Balutan, ang winning tickets ?sa 6/58 draw ay binili sa Bagong Silang, Caloocan City; San Isidro, Angono, Rizal at Cauayan, Isabela.
Hindi naman tinamaan ang 6/42 lotto draw gayundin ang 6/49 lotto draw kamakalawa ng gabi.
Ang tatlong winners ng 6/58 lotto jackpot ay makakatanggap bawat isa ng P95,335,790.00 milyon.