MANILA, Philippines – Anim na araw bago ang Traslacion ng Itim na Nazareno, binuo ng pamahalaang lungsod ng Maynila at Manila Police District ang Incident Command System na magpapatupad ng seguridad sa paggunita nito sa Lunes, Enero 9.
Sa pakikipagpulong ni Manila Mayor Joseph Estrada kay Manila Police District (MPD) director Senior Supt. Joel Coronel, inanunsyo ng alkalde na nabuo na nila ang ICS na siyang mangunguna sa pagpapatupad ng mga security measures sa naturang Black Nazarene procession.
“Natapos na natin ang lahat ng ating preparasyon at koordinasyon sa iba’t ibang ahensya. Masasabi kong handa na tayo sa anumang klase ng emergency,” ani Estrada.
Aniya, mahigpit niyang tinagubilinan ang 4,995 miyembro ng MPD na itaas ang lebel ng seguridad sa lungsod lalo na’t kailan lang ay nagbabala ang Armed Forces of the Philippines (AFP) na maaaring maglunsad ng “diversionary attacks” and Maute terror group sa Kamaynilaan.