Digong ‘Person of the Year’ ng China magazine
MANILA, Philippines – Kinilala si Pangulong Duterte bilang “Person of the Year” ng isang Chinese magazine.
Ayon kay Presidential Spokesman Ernesto Abella, ang kumilala kay Pangulong Duterte bilang person of the year ay ang Yazhou Zhoukan, na itinuturing na Time magazine ng Chinese-speaking world.
Wika pa ni Abella, ang pagkilala kay Duterte ng nasabing magazine ay dahil sa independent foreign policy nito, pagdistansiya sa Estados Unidos at pagkakaroon ng closer ties sa China.
“Article also praises Duterte’s good governance and anti-corruption campaign as the reason for his popularity among Filipinos,” dagdag pa ng presidential spokesman.
Ang Yazhou Zhoukan ang tanging international affairs magazine sa Chinese na may malawak na sirkulasyon sa Hong Kong, Taiwan, Singapore at Malaysia.
- Latest
