MANILA, Philippines — Walang sakit at pinili lamang na hindi dumalo ni Pangulong Rodrigo Duterte sa traditional family photo ng Asia-Pacific Economic Cooperation (APEC) sa Lima, Peru.
Inamin ni Duterte na iniwasan niya na makasalamuha si US President Barack Obama dahil sa naging alitan nila kaugnay ng kaniyang kampanya laban sa ilegal na droga taliwas sa paliwanag ng mga iba pang opisyal na gobyerno na masama ang naging pakiramdam ng Pangulo.
"I was there. I attended the meetings, actually. Do not believe those idiots out there. But you know, Obama was there, and because we had an exchange of words, I was just trying to avoid an awkward situation," pag-amin ni Duterte kagabi sa Wallace Business Forum.
BASAHIN: Obama ayaw nang makapulong si Duterte
“Because I did not want to create a scene, an awkward situation, I just stayed on the sidelines. That's the truth, I was avoiding an awkward situation, especially an international awkward behavior," dagdag niya.
Nauna na rin inamin ni Duterte na sinadya niyang hindi daluhan ang Association of Southeast Asian Nations (ASEAN)-US Summit sa Laos.
Binatikos ng Amerika ang mga posibleng paglabag sa karapatang pantao ng war on drugs ni Duterte.
Umabot sa punto na minura at sinabihan ni Duterte si Obama ng “go to hell” gayun din ang iba pang international community.