Gabinete ni Digong, pinangalanan

MANILA, Philippines – Inianunsyo na kahapon ni President-elect Rodrigo Duterte ang nabuong mga miyembro ng kanyang Gabinete kasabay ng kanilang pagpupulong sa Davao City.

Sa isang pulong kahapon sa Presidential resthouse sa Davao City o mas kilala bilang Malacanang in the South, pinangalanan ni Duterte ang kanyang  executive secretary na si Atty. Salvador Medialdea Jr.; dating Maribojoc, Bohol Mayor Leoncio Evasco Jr bilang secretary to the cabinet; dating SEC chief Perfecto Yasay Jr. bilang foreign affairs chief; Atty. Arthur Tugade bilang DOTC secretary, Jess Dureza, presidential peace adviser; 1-BAP Partylist Rep. Silvestre Bello III,  labor secretary; dating National Treasurer Leonor Briones bilang DepEd chief; dating Estrada cabinet Benjamin Diokno bilang budget secretary; da­ting Partylist Rep. Rafael Mariano bilang DAR chief, UP Prof. Judy Taguwalo bilang DSWD secretary.

Naroroon din sa pulong sina UP professor Ernesto Peria bilang NEDA chief, dating AFP chief Hermogenes Esperon bilang national security adviser, dating Immigration chief Andrea Domingo bilang Pagcor chief, dating North Cotobato Gov. Emmanuel Pinol as agriculture secretary, Las Pinas Rep. Mark Villar bilang DPWH chief, Atty. Vitallano Aguirre bilang justice secretary, businessman at classmate ni Duterte na si Carlos Dominguez bilang finance chief, Atty. Salvador Panelo bilang presidential spokesman at press secretary, Gen. Ricardo Visaya bilang AFP chief, Chief Supt. Ronald Dela Rosa bilang PNP chief,  retired PNP official Isidro Laperal bilang PDEA chief, former MIAA chief Alfonso Cusi bilang Energy chief, Mike Sueno bilang DILG chief, retired Maj. Gen.Delfin Lorenzana bilang DND chief, si Jaime Morente ang magiging immigration chief, si Ex-Davao City police chief Catalino Cuy naman ay itinalaga bilang undersecretary sa DILG, Atty. Jose Calida bilang solicitor-general.

Wala pang napipisil si Duterte na mamuno sa DENR dahil sa maselan ito at hindi niya puwedeng ibigay sa CPP-NPA habang sa DOST ay si Fortunato dela Peña, NBI naman si Region 11 director Dante Gierran, Atty. Martin Delfin sa LTFRB habang wala pang napipisil ang president-elect sa LTO, Bureau of Customs at BIR.

Sinabi naman ng exe­cutive assistant ni Duterte na si Christopher Go, baka humawak siya ng posisyon sa Gabinete ni President Duterte pansamantala.