MANILA, Philippines - Trapik na naman ngayong weekend dahil magsasagawa na naman ng road repair at re-blocking ang Department of Public Works and Highways (DPWH) sa ilang lugar ng Kalakhang Maynila.
Base sa abiso kahapon ng Metropolitan Manila Development Authority (MMDA), alas-10:00 kagabi nang simulan ang road re-blocking at bubuksan naman ito alas-5:00 naman ng madaling araw sa Lunes (Mayo 30).
Apektado ang Commonwealth Avenue southbound, harapan ng Commonwealth Market hanggang West Riverside Overpass (2nd lane from center island).
Kasama rin ang Commonwealth Avenue northbound mula Ever Gotesco Mall hanggang St. Peter Chapel (2nd lane from center island); at Congressional Avenue Extension eastbound mula Visayas Ave. hanggang harapan ng Tierra Pura Subd. (2nd lane from island).
Payo ng MMDA sa mga motorista, na iwasan ang nabanggit na mga lugar upang hindi maabala sa trapik at gumamit ng mga alternatibong ruta, tulad ng Visayas Avenue, Mindanao Avenue, Tandang Sora Avenue, at Commonwealth Avenue.