MANILA, Philippines – Kinumpirma ng Philippine National Police (PNP) ngayong Biyernes na isang impormante ang umangkin ng P7-milyon na pabuya sa ulo ni Malaysian terrorist Zulkifli bin Hir, alyas Marwan.
Tumanggi si PNP spokesman, Chief Superintendent Wilben Mayor na magbigay pa ng impormasyon tungkol sa impormante.
“Meron (umangkin). Under process na,” wika ni Mayor.
“Ang makukuha lang nya ay yung galing sa DILG. Wala tayong pakialam dun sa reward na galing sa US,” dagdag niya.
Tinatayang aabot sa P200 milyon ang pinagsamang pabuyang ipinangako ng gobyerno ng Pilipinas at Estados Unidos.
Sa naturang operasyon ay 44 miyembro ng Special Action Force ang nasawi matapos makaengkwentro ang mga Moro Islamic Liberation Front at moro rebels.