MANILA, Philippines – Maaliwalas ang panahon ngayong araw para sa mga deboto ng Pista ng Poong Nazareno na sasama sa prusisyon.
Maulap naman ang kalangitan na may mahinang pag-ulan sa may Cagayan Valley region at sa mga lalawigan ng Aurora at Quezon gayundin sa Cordillera, Ilocos at sa nalalabing bahagi ng Central Luzon.
Patuloy namang makakaranas ng malamig na umaga sa buong Northern Luzon kasama ang Metro Manila dahil sa paglakas ng hanging amihan.
Maaliwalas din ang alon sa mga karagatan partikular sa silangan at hilagang silangan ng bansa.
Wala namang namomonitor ng padating na bagyo o anumang sama ng panahon ang PAGASA ngayong weekend.