Nagawa ni Duterte sa Davao, hindi uubra sa Pinas – Trillanes
MANILA, Philippines – Malaking kapahamakan ang mangyayari sa bansa kung si Davao City Mayor Rodrigo Duterte ang uupong pangulo, ayon kay Sen. Antonio Trillanes IV.
Kinuwestyon ni Trillanes sa isang panayam sa telebisyon ang mga planong gawin ni Duterte sa bansa, partikular ang pagsugpo ng krimen sa loob ng tatlo hanggang anim na buwan.
"You don't just say 'I'm going to rid criminality in three to six months.' What are you going to do? Are they going to implement the 'Pol Pot formula' which has failed before? Or a milder version which is a draconian environment like the Martial Law years?" wika ni Trilanes sa Beyond Politics ng ABS-CBN News Channel.
"It's going to be a disaster for the country," dagdag ng senador na tatakbong bise presidente sa Mayo.
Sa tingin ni Trillanes ay hindi gagana sa buong bansa ang mga ginawa ni Duterte sa lungsod ng Davao.
“His method may have worked in Davao, but it’s definitely not going to work in the national scale. You don’t run the country like that. There should be a vision, a program of action that you would actually have to enumerate.”
Mas pipiliin pa ng senador na manalo ang kaniyang matagal nang binabatikos na si Bise Presidente Jejomar Binay kaysa kay Duterte.
"If it's a Binay presidency, God forbid, then we'll have to respect the mandate that's given to him," ani Trillanes na iginiit na kung mangyari ito ay hindi pa rin siya titigil na mapanagot sa batas si Binay na inaakusahan niyang magnanakaw.
"But it doesn't mean I'm going to turn a blind eye on his ways, because I am sure 100 percent that he will not change. If you put a plunderer into the presidency, you don't expect the guy to be a saint. Expect him to plunder more."
- Latest
