MANILA, Philippines – Walang sasalubong na dagdag singil sa toll fee sa mga expressway sa unang linggo ng 2016. ?
Ito ang magandang balita ng Toll Regulatory Board (TRB) sa publiko ngayong Bagong Taon.
Ayon kay TRB spokesperson Julius Corpuz, nasa proseso pa ang tatlong petition na humihiling ng dagdag-singil sa toll sa North Luzon Expressway (NLEX); Subic-Clark-Tarlac Expressway (SCTEX) at Cavite Expressway (CAVITEX).
?“Walang sasalubong sa ating mga kababayan, sa ‘ting mga motoristang gumagamit ng expressway ng anumang pagtaas sa toll fee sa pagpasok ng Bagong Taon,” ito ang pagtitiyak ni Corpuz.
Nakasaad sa petition na humihingi ng 15-porsyentong adjustment ang NLEX, 55-porsyento ang SCTEX at 25 hanggang 30 porsyento naman ang hirit ng CAVITEX.