MANILA, Philippines – Anim hanggang 12 taong pagkakakulong ang inihatol ng korte laban kay US Marine Lance Corporal Joseph Scott Pemberton sa pagpatay kay Filipino transgender Jennifer Laude.
Pansamantalang ikukulong si Pemberton sa New Bilibid Prison sa Muntinlupa City matapos hatulan ng Olongapo City regional trial court na guilty sa kasong homicide.
PInagbabayad din si Pemberton ng P50,000 para sa civil indemnity at P4.32 milyon para sa pamilya ni Laude.
Sinisingil din sa US marine ang P155,255 na nagastos sa burol at pagpapalibing sa biktima, P50,000 sa moral damages at P30,000 sa exemplary damages.
Napatay ni Pemberton si Laude noong Oktubre 2014 sa loob ng isang paupahang kuwarto sa Olongapo City.