3 mayor ng Mindanao, 27 pa sibak sa serbisyo
MANILA, Philippines – Sinibak sa serbisyo ang tatlong mayor at 27 iba pang lokal na opisyal ng Mindanao dahil sa Grave Misconduct, Serious Dishonesty, Gross Neglect of Duty, at Conduct Prejudicial to the Best Interest of the Service.
Dinismis ng Ombudsman sina Cagayan de Oro (CDO) City Mayor Oscar Moreno, Mayor Vicente Fernandez ng Matanao, Davao del Sur at Mayor Mamintal Adiong ng Ditsa-an Ramain, Lanao del Sur. Hindi na rin ang mga ito pinapayagan na magtrabaho sa alinmang tanggapan ng gobyerno.
Bukod dito, may tatlo pang Mayor, 4 na Vice-Mayor at 30 lokal na opisyal sa Mindanao ang napatunayan ding nagkasala sa kasong paglabag sa R.A. No. 3019 (Anti-Graft and Corrupt Practices Act), Malversation, bigong ma-liquidate ang cash advances at anomalya sa procurement process.
Ang mga ito’y sina dating CDO Mayor Vicente Emano, Tandag City Mayor Alexander Pimentel at Mayor Diosdado Pallasigue ng Isulan, Sultan Kudarat.
- Latest
