24 pang senatoriables naghain ng kandidatura
MANILA, Philippines – Hindi pa rin nagbabago ang mala-fiestang sitwasyon sa ikatlong araw ng filing ng certificate of candidacy sa paligid ng Commission on Elections (Comelec) kasabay ng pagdagsa ng ilang mga kilalang personalidad na nais na sumabak sa Senado.
Alas-8 ng umaga ay unang naghain ng COC si Alma Moreno na sinundan ni Juan Miguel Zubiri, Romeo Maganto, Rizza Hontiveros, Princess Jacel Kiram, Mark Lapid, Francis Tolentino, Kiko Pangilinan, Franklin Drilon, Sherwin Gatchalian, Roman Romulo, Ralph Recto at Tito Sotto na pawang tatakbo bilang mga senador.
Kasama ni Pangilinan ang kanyang misis na si Mega Star Sharon Cuneta habang sinamahan si Lapid ng kanyang misis na si Tanya Garcia at amang si Senador Lito Lapid kung saan tatakbo ito sa ilalim ng Roxas-Robredo tandem matapos na maimbitahan ng Liberal Party na sumanib sa lineup ng administrasyon.
Giit ni Mark nais niyang bigyan ng prayoridad ang pagpapalawak at promosyon ng turismo sa bansa kung saan magbibigay naman ito ng dagdag na trabaho sa mga Filipino bukod pa sa investments.
Senatorial seats din ang habol nina Myrna Catapang; Jonathan Calonia, Sr.; Germinigildo Asoy; Mario Taculod; Elias Mimbantas; Jeanette Dapiton; Marilyn Kragh; Jeanie Wolf at Kamarozaman Rajahmuda na pawang mula sa partidong Partido Bagong Maharlika; Kenneth Sombilon at Vicente Toring na mga Independent.
Naghain din kahapon ng COC sa pagkapangulo sina Gauvencio Serrano; Juanita Trocenio; Emelito Bayani; Romeo Rodriguez; Romualdo Rivera; Valeriano Nogon III; Jerry Diaz; Victor Lawag; Jean-Pierre Pardo at Mars Mendoza
Naghahain din ng COC sa pagkabise presidente si Sen. Antonio Trillanes IV; Jesus Zosimo Paredes Jr., at Neil Aldea.
- Latest
