Tinatayang papasok ng Philippine area of responsibility ang bagyong may international name na "Dujuan" ngayong Miyerkules ng gabi o bukas ng umaga, ayon sa state weather bureau.
Huling namataan ng PAG-ASA ang bagyo sa layong 1,750 kilometro silangan ng hilagang Luzon kaninang alas-10 ng umaga.
Taglay ni Dujuan ang lakas na 65 kilometers per hour (kph) at bugsong aabo sa 85 kph, habang gumagalaw pa-kanluran hilaga-kanluran sa bilis na 9 kph.
Pangangalanang "Jenny" ang bagyo kapag tuluyan nang pumasok sa PAR.
Walang inaasahang direktang epekto ang bagyo sa bansa, ngunit paiigitingin nito ang hanging habagat na magdadala ng pag-ulan.