Anti-Dynasty bill pagbotohan na!

MANILA, Philippines – Hinikayat ni Caloocan City Rep. Edgar Erice si House Speaker Feliciano Belmonte Jr. na mapagbotohan na sa Kamara ang kontrobersyal na Anti-Political Dynasty Bill. Ang hakbang ni Erice ay kasunod ng pahayag ni Belmonte na maituturing nang ‘patay’ ang panukala, dahil hindi ito napasama sa priority measures na inilatag noong nakalipas na leadership meeting ng Mataas at Mababang Kapulungan ng Kongreso.

Aminado si Erice na bilang isa sa mga proponent ng Anti-Political Dynasty Bill, nalulungkot siya dahil patay na ang pagturing sa kanyang panukala. Subalit gagawa pa rin umano ito ng paraan para mapagbotohan sa ikalawang pagbasa ang House Bill. Sayang anya kung hindi maisasalang sa botohan ang panukala, nang dahil lamang sa hindi ito prayoridad.