MANILA, Philippines - Posibleng ideklara na ng PAGASA ang pagpasok ng panahon ng tag-init ngayong papasok na linggo.
“Malapit na po at hopefully this week ay madeklara natin o ma-announce natin na tag-init na,” pahayag ni PAGASA weather forecaster Aldczar Aurelio, sa panayam ng DZMM.
Palatandaan na anya rito ang maalinsangang panahon na nararanasan sa bansa.
“Dapat sana e kalagitnaan ng Marso ‘yung pinaka-late na umpisa ng tag-init e hindi po nangyari e malapit na pong matapos ang Marso. Hopefully ngayong linggo (maideklara na ang summer).”
Ang inaasahang temperatura sa Metro Manila ay posibleng umabot sa 34-35 degrees Celsius habang sa Cabanatuan at Tuguegarao na kadalasang nagtatala ng highest temperature ay posibleng pumalo naman sa 38 degrees Celsius.