Fiesta sa Luneta sa Linggo – CBCP

MANILA, Philippines - Gawing fiesta ang Luneta sa Linggo.

Ito ang panawagan ni Catholic Bishops  Conference of the Philippines (CBCP) President Socrates Villegas ka­sabay ng  pagsasagawa ng misa ni Pope  Francis sa  Linggo sa Luneta.

Ayon kay Villegas, hindi dapat isipin ng mga Pilipino ang hirap, gutom at pag-ulan kapalit  na masilayan ang Santo Papa.

Hindi dapat na sa­yangin ng mga Filipino ang  Enero 18 o Linggo kung saan magmimisa  si Pope Francis na isang karangalan sa bansa.

Aniya, ang Panginoon ay nasa bawat isa sa pamamagitan ni Pope Francis.

Dapat na dalhin ang imahe ng Sto. Niño at sayawin ang Sinulog ka­sama ng Santo Papa dahil ang Linggo ay pista rin ng Sto. Niño.