P8 pasahe sa jeep inihain
MANILA, Philippines - Nagharap ng petisyon kahapon sa Land Transportation Franchising Regulatory Board (LTFRB) ang transport group na Pasang Masda upang igiit dito na bawasan ng 50 sentimos ang kasalukuyang P8.50 na minimum fare sa mga pampasaherong jeep dahil sa anim na beses na rollback sa presyo ng diesel.
Bukod sa bawas pasahe, nagsampa rin si Obet Martin, national president ng Pasang Masda ng petition for institutionalizing fare adjustment o agad magbabago ang pasahe sa passenger jeep depende sa presyuhan ng diesel upang hindi na idaan sa petisyon at public hearing ang taas at baba sa pasahe sa naturang mga sasakyan.
Inihalimbawa dito ni Martin na kung P38.00 ang diesel kada litro ay dapat P8.00 ang minimum fare sa jeep, P40-45 presyo ng diesel ay P9.00 ang minimum fare, P46-P50 ay dapat P10.00 ang pasahe.
Itinakda ng LTFRB na dinggin ang petisyong ito sa November 17.
- Latest
