Mar pinasalamatan si Erap

MANILA, Philippines – Nagpaabot ng pasasalamat si Interior and Local Government secretary Mar Roxas kay Manila Mayor Joseph "Erap" Estrada para sa paglilinis ng kanyang pangalan ukol sa paninira kay Bise-Presidente Jejomar Binay.

"I texted Mayor Erap to thank him for trying to clear my name and for disproving such baseless claims," paliwanag ni Roxas sa isang pulong balitaan.

Ayon sa mga ulat, pinabulaanan ng kaalyado ni Binay na si Estrada na si Roxas ang nasa likod ng "OPLAN Stop Nognog 2016" na isang pagkilos para siraan umano ang bise-presidente.

Dahil dito ay natanong din si Roxas kung may plano siyang sumapi sa grupo nina Estrada para sa nalalapit na 2016 presidential elections.

"As of now, the kind of cooperation that we need is the one that will ensure the security of our citizens during the upcoming holidays."

Tumakbo sa pagka-bise-presidente si Roxas noong 2010, ngunit natalo kay Binay na ngayon ay naghahangad na maging pangulo.