MANILA, Philippines - Nakalabas na ng Philippine Area of Responsibility ang bagyong "Jose" ayon sa state weather bureau ngayong Huwebes.
Sinabi ng Philippine Atmospheric, Geophysical and Astronomical Services Administration (PAGASA) na bandang ala-7 ng umaga lumabas ng PAR ang bagyo at tinutumbok nito ang Japan.
Sa huling weather bulletin ng PAGASA ay taglay ni Jose ang lakas na 150 kilometers per hour (kph) at bugsong aabot sa 185 kph, habang gumagalaw sa pa-hilaga hilaga-silangan sa bilis na 11 kph.
Pinaiigting pa rin ng bagyo ang hanging habagat na magdadala ng paminsan-minsang pag-ulan sa Hilagang bahagi ng Luzon.
Si Jose ang pang-10 bagyo ngayong taon.