MANILA, Philippines - Malabong lumusot ang divorce bill sa Kamara dahil maituturing itong unconstitutional at labag sa batas.
Paliwanag ni Ilocos Norte Rep. Rodolfo “Rudy†Fariñas, kailangan munang amyendahan ang maituturing na matandang konstitusyon ng Pilipinas bago maaprubahan ang nasabing panukala.
Sa panayam kay Fariñas, sinabi pa nito na sa mga hearing noong mga nakaraang kongreso ay madaling hamunin ang Divorce bill bilang unconstitutional ito ay dahil sa base sa Article XV, Section 2 ng konstitusyon nakasaad dito na “marriage, as an inviolable social institution, is the foundation of the family and shall be protected by the stateâ€.
Giit pa ng kongresista, ang pangunahing obligasyon ng gobyerno ay protektahan at mapanatili ang kasal ng mga Pinoy.
Dahil dito kaya paano umano magpapasa ng batas ang kongreso na lalabag at wawasak sa sakramento ng kasal.
Ang pahayag ni Fariñas ay bunsod sa nakabinbing panukala ni Gabriela partylist Rep. Luz Ilagan kung saan ito umano ang kasagutan sa mga problema sa pagsasama ng isang mag asawa.
Nauna na rin nagpahayag si House Speaker Feliciano Belmonte Jr. na hindi prayoridad ng 16th Congress ang Divorce bill.