MANILA, Philippines - Inihirit kahapon ni Senador Bam Aquino na dapat kasuhan na rin ang anak o mga anak ni Janet Lim Napoles at iba pang nakinabang sa P10-bilÂyong Priority Development Assistance Fund (PDAF) scam.
Ayon kay Aquino, hindi maaring palampasin ang mga anak ni Napoles lalo pa’t mismong ang mga whistlebloÂwers ang tumestigo at nagpatunay na kasama sila sa mga nameke ng pirma sa mga pekeng benepisyaryo ng Malampaya Funds.
“Paano hindi madadamay ang kanyang mga anak gayung tumestigo ang mga whistleblowers na sila ang nameke ng pirma ng mga pekeng benepisyaryo ng Malampaya Fund,†sabi ni Aquino.
Naniniwala si Aquino na kapag hindi sinampaÂhan ng kaso ang mga anak ni Napoles ay magkakaroon ng maling impresyon ang publiko na maaari nang makalusot ang sinuman kahit nagnakaw pa ng bilyun-bilyong piso.
Ginawa ni Aquino ang reaksiyon matapos mapaulat na hiniling ni Napoles sa pamahalaan na huwag idamay ang kanyang mga anak sa kaso.
Ayon pa sa senador, nabanggit din ng whistleblowers na sina Jo Christine at James Christopher ang tumanggap ng pondo na ibinigay sa pekeng Non-Government Organizations (NGOs) kapag wala si Napoles sa bahay.