MANILA, Philippines - Pinaiimbestigahan ng mga kongresista na dating opisyal ng pulisya ang umano’y paglilipat ng unit ng Philippine National Police (PNP) ng daan-daang matataas na kalibre ng baril sa ilang pribadong grupo.
Sa House Resolution 772 nina Reps. Romeo Acop (Antipolo), Samuel Pagdilao, (ACT-CIS) at Leopoldo Bataoil (PangaÂsinan), hiniling ng mga ito sa House Committee on Public Order and Safety na alamin kung ano ang implikasÂyon na nag-release ang isang unit ng PNP ng matataas na kalibre ng baril sa police auxiliaries at pribadong security agencies.
Ito ay matapos na ibunyag mismo ni PanguÂlong Aquino na 900 matataas na kalibre ng baril ang pinakawalan ng PNP sa ilang grupo tulad ng AK47 at M16 assault rifle.
Napuna din ng PanguÂlo na labis ang hakbang ng PNP at mukhang hindi nababagay sa mga recipients ang naibigay na baril sa mga ito.
Giit ni Acop, lubhang nakakabahala ito lalo na at pinalalakas naman ng gobyerno ang kampanya nito laban sa loose firearms sa pamamagitan ng Oplan Katok.