MANILA, Philippines - Isa ang nasawi maÂkaraang pagbabarilin ng dalawang armadong lalaki habang ang una ay naglalaro ng ‘dama’ sa lungsod Quezon kahapon ng madaling- araw.
Kinilala ni SPO1 Pascual Fabreag, ang biktima na si Joe AquinoÂ, 37, at residente ng Kalayaan B, Brgy. Batasan Hills.
Ayon kay Fabreag, inaalam pa nila ang pagkatao ng dalawang suspect na mabilis na tumakas makaraan ang krimen.
Nangyari ang insiÂdente sa harap ng isang bahay sa may Kaibigan St., ng nasaÂbing baÂrangay, ganap na ala-1 ng madaling-araw.
Nabatid na naglalaro ng ‘dama’ ang biktima sa kaibigang si Jef-Jef nang biglang sumulpot ang mga suspek at pagbabarilin ang una.
Sa takot mabilis na nagtatakbo palayo si Jef-Jef at iniwan ang biktima na duguang nakahandusay sa semento, habang ang mga suspek naman ay mabilis na nagsipagtakas.
Ilang sandali pa ay dumating naman ang mga awtoridad at nagsagawa ng pagsisiyasat kung saan narekober sa lugar ang apat na basyo at isang slug ng kalibre 9mm na baril.