MANILA, Philippines - Kinansela ng Land Transportation Franchising and Regulatory Board (LTFRB) ang permit ng 10 bus ng Mt. Province Cable Tours matapos mapatunayang nagkasala sa franchise rules matapos mahulog ang isang unit ng bus nito sa bangin sa Mt Province na kalaunan ay sinasabing pagmamay ari ng G.V. Florida Transport Inc.
Sa aksidenteng ito,15 ang namatay at 32 ang nasugatan.
Kaugnay nito, sinabi ni LTFRB Chairman Winston Ginez na pinatawan naman ng 6 na buwang suspension ang Florida bus na may 188 authorized units.
Binigyang diin ni Ginez na bagamat kinokonsidera ng board ang kalagayan ng mga apektadong empleyado ng Florida bus, kailangan naman nitong parusahan ang naturang kumpanya at ipahinto ng 6 na buwan ang operasyon nito dahil sa nabanggit na aksidente.
Ang 6 month suspension ay epektibo March 11, 2013, ang araw na paso na ang 30 days suspension dito kaugnay ng naganap na aksidente.