Pinoy cashier utas road mishap sa Saudi
MANILA, Philippines - Isang OFW ang nasawi matapos na mahagip ng isa sa dalawang sasakyan na umano’y nagkakareÂrahan sa kalsada habang papasok sa kanyang trabaho sa Saudi Arabia.
Sa report na nakarating sa Department of Foreign Affairs (DFA), kinilala ang OFW na si Jerwin Acuzar, cashier sa isang fashion store sa Riyadh at tubong Oriental Mindoro.
Kabababa lamang sa sinakyang mini bus ni Acuzar at tumayo sa sidewalk upang mag-antabay ng tsansang makatawid sa kalsada kung saan naroon ang pinapasukang fashion store nang mabilis na araruhin ng isa sa humahagibis at nagkarerahang sasakyan.
Dahil sa lakas ng pagkakabangga, namatay noon din ang Pinoy.
Inaayos na ng Embahada ang repatriation sa mga labi ng OFW habang nakatakdang tumanggap ng P200,000 insurance at P20,000 burial benefits ang pamilya nito bilang isang miyembro ng Overseas Workers Welfare Adminsitration.
- Latest
