MANILA, Philippines - Wala sa listahan ng mga dadalo sa pagdiriwang ng EDSA People Power 1 sina Senate Minority Leader Juan Ponce Enrile at Senator Gregorio Honasan.
Kinumpirma kahapon ni deputy presidential spokesperson Abigail Valte na hindi niya nakita ang pangalan nina Enrile at Honasan sa “short briefer†na ipinadala ng Edsa People Power Commission kung saan nakasulat ang mga persoÂnalidad na dadalo sa pagdiriwang.
Ayon kay Valte, sa mga personalidad na nanguna sa People Power 1 tanging ang pangalan lamang ni dating Pangulong Fidel V. Ramos ang kanyang nakita.
Si Ramos umano ang nakatakdang mag-alay ng bulaklak sa Libingan ng mga Bayani.
Naniniwala si Valte na hindi makakaapekto sa diwa ng EDSA ang pagkakadiin ng ilang key players sa P10 bilyong pork barrel scam katulad nina Honasan at Enrile.
Sinabi ni Valte na ang EDSA ay para sa mga tao at hindi ito maaapektuhan ng mga problemang kinakaharap ngayon ng mga personalidad na nanguna sa tahimik na rebolusyon na nagpatalsik sa dating diktador.