MANILA, Philippines - Hindi ginamit ni Pangulong Benigno Aquino III ang kanyang puwesto upang mapadali ang proseso sa pag-renew ng kanyang driver's license ngayong Huwebes sa Maynila.
Sinunod ni Aquino ang pila at tamang proseso sa pag-renew ng kanyang lisensya sa opisina ng Land Transportation Office (LTO) sa Tayuman, Maynila.
Inabot lamang ng halos 30 minuto si Aquino sa opisina ng LTO.
Nag-renew ng lisensya si Aquino dalawang araw bago ang kanyang ika-54 na kaarawan.
Kilala si Aquino sa pagsunod nang mga simpleng patakaran, kabilang ang pagsunod sa traffic light kahit nakasalalay ang kanyang seguridad.
Maaalalang ipinagbawal ng Pangulo ang paggamit ng wang-wang sa kalsada maging sa mga pulis.