MANILA, Philippines - Iginiit kahapon ni Pangulong Aquino na hindi siya ang lucky charm ng mga Filipina na nagwawagi sa mga beauty pageants matapos na manalo kamakalawa ng gabi si Bea Rose Santiago na tinanghal na 2013 Miss International.
Sinabi ng Pangulo, hindi siya naniniwala na siya ang nagsisilbing lucky charm ng mga kandidatang Filipina na nagwawagi sa nilalahukan nitong mga international pageant.
“Do I consider myself a lucky charm? Kapal naman ng mukha ko sasabihin ko I’m a lucky charm to anybody. If some people consider me a lucky charm, thank you. but, I don’t think I can pronounce myself such,†wika ni PNoy sa ambush interview sa Palasyo kahapon.
Aniya, bago pa man siya pumunta sa Bali, Indonesia noon ay nagwagi na si Megan Young na tinanghal na Miss World. Ginanap ang nasabing beauty pageant sa Bali, Indonesia.
Nagkita naman sina Pangulo at Bea Rose Santiago sa Tokyo noong nakaraang linggo matapos na dumalo sa Filipino community event si Bea bago ito lumahok sa Miss International pageant kung saan kamakalawa ng gabi ang coronation night na ginanap sa Tokyo, Japan at siya ang tinanghal na 2013 Miss International.