Salceda, idineklara ng DOT na Tourism champion ng Bicol

MANILA, Philippines - Pinarangalan ng Department of Tourism (DOT) si Albay Gov. Joey Salceda bilang Tourism Champion ng Bicol, dahil sa pagkilala sa kanyang malikhaing mga programang pangturismo na umaani na ngayon ng tagumpay para sa kanilang rehiyon.

Ang parangal ay iginawad kay Salceda sa Unang Gayon Bicol Awards ng DOT na ginanap kamakailan. 

Ayon sa DOT, ang Gayon Bikol Award ay ipinagkakaloob sa mga opisyal at mga institusyon na ang malikhaing mga inisyatibo sa turismo ay tunay na nakakatulong sa pagpapasulong ng turismo sa rehiyon.

Bukod kay Salceda pinarangalan din ang walong iba pang opisyal ng Bikol, kasama sina dating Camarines Sur Gov. Luis Raymund Villafuerte, at Sorsogon City Mayor Sally Lee, dating gubernador din ng Sorsogon; at dalawang hotel sa Bicol.

Iginawad ng DOT ang Enterprise Service Excellence awards sa luxury Misibis Bay Island Resort and Hotel sa Bacacay, Albay at sa Avenue Plaza Hotel sa Naga City bilang pagkilala sa naiiba nilang mga serbisyo at “corporate social responsibility engagements.”