144 recruits ng militar nagsasanay na
MANILA, Philippines - Sinimulan na ng 1st Infantry Division na naka-base sa Zamboanga del Sur ang pagsasanay sa may 144 na bagong recruits.
Ang nasabing mga recruit ay isasailalim sa walong buwang jungle warfare at mountain operations course upang testingin ang kanilang kaakmaan at kakayahan bilang isang miyembro ng militar.
Ang pagsasanay ay gagawin sa headquarters ng 1st Infantry Division sa Kuta Cesar Sang-an, Pulacan, Labangan, ZamboÂanga del Sur, ayon kay Capt. Jefferson Somera, unit spokesperson.
Dagdag nito, ang 144 recruits na nasa edad 21-26 ay mula sa iba’t ibang probinsya at tribu sa Western Mindanao.
Ang mga ito, ayon pa kay Somera, ay pumasa sa matinding pagsasanay, screening at processing standard na itinakda ng Philippine Army.
- Latest
