Libreng sakay sa LRT at MRT sa mga beterano

MANILA, Philippines - Magandang balita para sa mga beterano dahil pagkakalooban sila ng libreng sakay sa Light Rail Transit (LRT) at Metro Rail Transit (MRT) sa susunod na buwan, kaalinsabay ng pagdiriwang ng Vete­ran’s Week.

Batay sa memorandum na inilabas ng Department of Transportation and Communications (DOTC), nabatid na libre ang sakay ng mga beterano sa LRT at MRT mula Abril 5 hanggang 11, ganap na alas-5:00 ng umaga hanggang alas-9:00 ng gabi.

Ayon sa DOTC, kailangan lamang ay magpakita ng kanilang identification (ID) card na mula sa Philippine Veterans Affairs Office upang maka-avail ng libreng sakay.