FORT DEL PILAR, BAGUIO CITY, Philippines - Anak ng isang magtutuba mula sa Hagonoy, Davao del Sur ang naÂnguna sa Philippine Military Academy (PMA) Class 2013.
Iniabot ni Pangulong Aquino ang Presidential Saber sa class valedictorian na si Jestony Lanaja sa graduation rites ng 124 na kadete ng Class Pudang Kalis (Sacred Sword) kahapon sa lungsod na ito. Apat na female cadettes naman ang pumasok sa top 10.
Si Vice-President Jejomar Binay naman ang nag-abot ng vice-presidential saber sa salutatorian na si Mary Ann Balais na mula sa La Trinidad, Benguet.
Ang iba pang pumasok sa top 10 ay sina Poland Ancheta Banacua, (3rd); Jessie Saludo ng Cavite, (4th); Jocelyn Advincula, (5th); John Luis Tulag ng Agusan del Sur, 6th place; Ferdinand Villanueva ng Villasis, Pangasinan, (7th); Vanessa Factora, (8th); Jet Cabantura Domoclog ng Gattaran, Cagayan, 9th place at 10th place si Myla Maniscan.
Naghandog din ng meryenda si PNoy sa mga PMA graduates kasama ang kanilang pamilya sa Mansion House.