39 pa importers, brokers winalis

MANILA, Philippines - Tumaas pa ang bilang ng mga importer at brokers na tinanggalan ng accreditation para mag-angkat ng bigas. Nabatid kay Customs Commissioner Ruffy Bia­zon, nitong Pebrero 20, 2013 ay 39 pang impor­ters at brokers ang inalis sa listahan ng Interim Customs Accreditation and Registration (ICARE) unit na isang programa ng BoC upang sugpuin ang illegal smuggling par­tikular ang rice smuggling sa bansa. Bukod ito sa 14 kumpanya at kooperatiba na nauna ng tinanggalan ng accreditation noong nakaraang linggo. Nabatid kay Biazon na sa 39 importer at broker na tinanggal na sa listahan, ang 16 dito ay pawang mga koope­ratiba na walang track record at ang iba naman ay maliliit na kumpanya na hindi nakapag-comply sa ibang requirements na itinakda ng BoC sa kanila. Sa kasaysayan ng BoC ay tinatayang uma­bot na sa 170 kabuuang bilang ng mga importers at broker ang inalis na sa listahan ng ICARE na maituturing na pinakamataas sa kasaysayan ng ahensiya.