Standoff sa Sabah daanin sa maayos na usapan -- Senator

MANILA, Philippines - Iginiit kahapon ni Senator Gregorio Honasan na dapat daanin sa maayos na usapan ang nangya­yaring ‘standoff’ sa Sabah, Malaysia.

Ayon kay Honasan, hindi dapat makaapekto sa gina­gawang ‘peace process’ at ‘framework agreement’ sa pagitan ng gobyerno at Moro Islamic Li­beration Front (MILF) ang nangyayaring girian sa pagitan ng Pilipinas at ng Malaysia.

Posible umanong isipin ng Malaysia na may pro­­yektong pinayagan ang Philippine government sa na­sabing lugar para igiit ang pag-angkin dito habang nangyayari ang peace talks.

Hindi aniya dapat idaan sa armed conflict ang pagbuhay sa claim ng Pilipinas sa Sabah.

“But I agree that we can revive our claim over Sabah,  but not in this manner that we might be perceived as trying to initiate an armed conflict here,” dagdag ni Honasan.