IMUS, Cavite, Philippines – Ipinahiwatig kahapon ni Pangulong Benigno Aquino III na kukunin niya sa kanyang Gabinete si Sen. Panfilo Lacson at bibigyan ng posisyon sa gobyerno sa pagtatapos ng termino nito sa Senado.
Sinabi ni Pangulong Aquino sa Alay sa MamamaÂyan program kahapon, una na niyang hiniram sa Cavite ang kanilang kababayan na si Rep. Jun Abaya na itinalaga niyang DOTC chief at susunod niyang hihiramin ay si Sen. Lacson na mula sa Silang, Cavite.
“Tutal naman papakapal na ho ako ngayon. Humihingi ako ng suporta sa inyo. Hiniram ko na ho si Jun Abaya; susunod ho si Ping Lacson. Si Manong Ayong ho, hindi ko muna hihiramin sa inyo,†paliwanag pa ni PNoy.
Iginiit pa ng Pangulo na mag-ingat ang mga botante mula sa nagpapanggap na kakampi niya sa tuwid na daan kaya dapat ay suriing mabuti ng mga Caviteño ang kanilang iboboto sa darating na eleksyon.