MANILA, Philippines - Pinag-aaralan ng Department of Justice (DOJ) ang pagpapatupad ng news blackout sa kaso ni Manuel Amalilio, ang founder ng Aman Futures Group Philippines Inc.
Nais ni Justice Secretary Leila de Lima na hindi isapubliko ang mga impormasyon sa hakbang at prosesong ginagawa ng pamahalaan upang maÂpauwi sa Pilipinas si Amalilio na nasa MaÂlaysia.
Una ng inihayag ni de Lima na isa sa naÂging dahilan sa pagkaudlot ng pagsundo kay Amalilio ay dahil umano sa media reports na pagbabalita mula sa Kota Kinabalu.
Dahil dito, posibleng kanila na munang ikonsidera ang “news black out†sa kaso ni Amalilio.
Aniya, ang importante ay ginagawa ng gobÂyerÂno ang mga hakbang upang maibalik sa bansa ang pinuno ng P12 billion pyramiding scam.
Una rito ay napaÂbaliÂtang sangkot ang dalawang Malaysian company sa operasyon ng Aman Futures.
Ayon sa NBI, nagsilbi umanong collector ang Barakah Trading & Resources at Twin Khan Trading at hiniling ng mga biktima sa Malaysian authority na pigilin sa pag-uwi sa Pilipinas ang may-ari ng Aman Futures na si Amalilio.
Matatandaang inihaÂyag ng NBI na may natanggap silang impormasyon na may ibang kaso sa Malaysia si Amalilio kaya’t naantala ang deportasyon nito paÂbalik ng Pilipinas.