2 OFW kulong sa condom

MANILA, Philippines - Dahil sa pagkakaroon o pagdadala ng condom, dalawang OFW ang inaresto at ikinulong matapos salakayin ang kanilang tinutuluyang bahay sa Saudi Arabia.

Nakapiit ngayon sa Al-hair jai ang dalawang Pinoy na itinago sa pangalang Geron at Roy na hinuli ng Saudi cultural police o Muttawa matapos na isa sa kanila ay makitaan ng condom sa pitaka habang ang isa ay may porno video sa kanyang cellphone.

Sinampahan ng kasong prostitution ang dalawa na may katapat na parusang anim na buwan hanggang isang taong pagkabilanggo at karagdagang 100 hagupit kapag napatunayang nagkasala.

Nangako naman ang Embahada na kanilang tututukan ang kaso ng dalawa at kukuha ng abogado na magtatanggol sa kanila.

 

Show comments