Submersible drone nga nakit-an sa Masbate maisip nga hulga sa nasud
CEBU, Philippines — Gihulagway ni Senator Francis “Tol” Tolentino nga hulga sa seguridad sa nasud ang submersible drone nga nakit-an sa mga mananagat sa kadagatan sa Masbate milabay nga mga semana.
Matud pa ang maong submersible drone iya kini sa China base sa report sa Philippine National Police Maritime Group.
Si Tolentino kinsa nia sa Sugbo nonot sa Sinulog 2025 miasoy nga ang pagkadiskubre sa submersible drone naghatag og hulga sa seguridad sa nasud sanglit wala masayri kun unsa nga data ang gi-transmit niini.
Gani sigon sa Senador nga ang battery life sa maong drone molanat og 300 ka adlaw ug dihang nakit-an kini napawong na ang battery buot pasabot nga 300 days na sab kining nag-operate.
"Una wala siyang permit, pangalawa hindi natin alam kung ano yung trinansmit na data. Pangatlo, hindi natin alam kung gaano katagal na siya dito…Pero ang alam ko yung duration ng battery niya 300 days. So yung 300 days almost a year na yun”, sigon ni Senator Tolentino.
Una niini, niadtong Miyerkules, Enero 15, 2025 ang Committee on Philippine Maritime Admiralty Zone nagpahigayon og hearing may labot sa pagkadiskobre sa drone.
Sa kasamtangan, si Tolentino miingon nga ang Philippine Navy nagpahigayon na og forensic examination sa submersible drone.
Atol sa hearing, gidayeg sa senado ang mananagat nga si Rodnie Valenzuela Magna, Jojo Cantela ug laing kauban niini sa pagka diskubre nila sa drone ug gitugyan sa otoridad. (BANAT NEWS)
- Latest
