24 ka tawo nasikop sa usa ka adlaw nga SACLEO
CEBU, Philippines — Dili mominos sa 24 ka mga tawo ang nasikop atol sa usa ka adlaw nga operation sa kapolisan sa Central Visayas sa ilang Simultaneous Anti-Criminality Law Enforcement Operations kun SACLEO.
23 ka operations ang gihimo diin 700.17grams sa shabu ang nasakmit nga gibana-bana nga mobalor og 4,761,156.00.
Miabot usab og 31 ka operasyon ang gihimo may kalabutan sa illegal nga sugal diin 54 ang nasikop ug 31 ang napasakaan og kaso.
5 ka most wanted person ug 32 ang other wanted person ang nasikop samtang 1,663 ka mga malapason sa local ordinances nga niabot sa 742,700.00 ang namulta.
Sa laing bahin gitanggong sulod sa detention cell sa Presinto 2 sa Lapu-Lapu City Police Office (LCPO) ang usa ka 43 anyos nga lalaki nga nadakpan sa buy bust operation niadtong Biyernes sa gabii.
Nakuhaan kini og shabu ug armas nga 9mm uban sa mga buhing bala niini.
Suma ni Police Major Bonifacio Pareja, hepe sa Presinto 2 sa LCPO nga ilang gihimo ang buy bust operation human makakuha og impormasyon kalabot sa illegal nga kalihukan sa suspek.
Nasakmitan kini og usa ka paketeng shabu nga nagkantidad og P13,000 ug marked money nga gigamit sa polis nga pusuer buyer. (BANAT NEWS)
- Latest
