PMZ act naglig-on sa katungod sa Pilipinas sa “Philippine Rise”
CEBU, Philippines — Mas gipalig-on sa Republic Act 12064, o ang Philippine Maritime Zones (PMZ) Act, ang katungod sa Pilipinas nga gamiton ug mapahimuslan ang tanang naa sulod sa kadagatan niini apil na ang Talampas ng Pilipinas, nga mas naila sa pangan nga 'Philippine Rise' o kanhi Benham Rise.
Kini maoy gibutyag ni Senator Francis "Tol" Tolentino sa iyang pagbisita dinhi sa Sugbo.
Matud ni Tolentino, ang RA 12064 naglangkob sa jurisdiction sa nasud kabahin sa pagtukod ug paggamit sa artificial islands, installation ug structures sa seabed, marine scientific research, drilling ug tunneling, ug ubang katungod subay na sa United Nations Convention on the Law of the Sea (UNCLOS).
"Binigyan natin ng titulo ang dagat natin para sa Pilipinas. Wala tayong dating ganun", sigon ni Tolentino. Ang Philippine Rise, 250 km east sa Dinapigue sa Isabela, giila ubos sa international law nga kabahin sa Philippines’ extended continental shelf.
Niadtong November 8, 2024 si Presidente Ferdinand Marcos Jr., mipirma aron mahimong balaod ang Republic Act 12064, usa ka lakang diin si Tolentino maoy author ug nag sponsor.
Si Tolentino nag-awhag sa katawhan nga maghiusa nga barugan ang katungod ug masiguro ang pagrespeto sa ubang nasud sa atong maritime rights, aron mapahimuslan pa sa matag Pilipino ug sa umaabot nga henerasyon ang Philippine Rise."
Gi-counter ni Tolentino ang balik-balik nga pagsaway sa China labot sa bag-ong gipirmahan nga balaod.
"Hanggang reklamo nalang sila. Wala na silang magagawa dun...Habang buhay kong ipagmamalaki yan", suma ni Tolentino kinsa maoy chairperson sa Senate Special Committee on Philippine Maritime and Admiralty Zones. MEL BANAT NEWS
- Latest
