Denise, ayaw nang pag-usapan ang ‘di natuloy na kasal
Nagbalik na si Denise Laurel sa GMA Network pagkalipas ng dalawang dekada. Napapanood ang aktres ngayon sa Prinsesa ng City Jail na pinagbibidahan ni Sofia Pablo. “Kinakabahan ako actually, kasi ibang tipo ng kontrabidaang makikita nila rito sa akin,” bungad ni Denise sa amin sa Fast Talk with Boy Abunda.
Naibahagi ng aktres na noon pa man ay talagang mahilig na siya sa mga Korean drama at Korean Pop. Kasagsagan daw ng pandemya nang manumbalik ang hilig na ito ni Denise. “Nagsimula siya no’ng 2010. I used to go to K-pop events when I was very young, no’ng sinasabi nilang “jologs” pa siya. Pero no’ng pandemic, I finally got time to watch TV again, to watch YouTube again, to listen to music. Because not only am I an actor but also, I’m a mom. So, I really dedicate my time to just making sure that I’m everything all at once,” paliwanag niya.
May mga pagkakataong nakapag-host si Denise sa ilangevents na mayroong Korean celebrity. Sinisikap umano ng aktres na maging propesyunal kahit nakararamdam ng kilig minsan sa mga katrabaho. “I would take care of them and give the full respect that they deserve. Inaalagaan ko sila. I make them feel comfortable. I never touched, I always have space, very respectful of personal space. I think it’s their culture that they’re not very touchy. I just wanna give that respect. Professionally, I don’t wanna be feeling close. Even if inside (kinikilig), ‘Oh! My god!’ And I think I am representing the Philippines and I want them to know that in the Philippines, people are professional. We love what we do. It’s fun to work with us,” nakangiting kwento ng aktres.
Samantala, masayang-masaya si Denise bilang isang ina. Maglalabing-apat na taong gulang na ang anak ng aktres na si Alejandro ngayong Abril. “I love being a mom. God was so good, siguro may ginawa akong tama na binigyan niyaako ng napaka-cool at napakabait na anak. Ang lambing, hindi ko siya pinapagalitan, Tito Boy. Nag-uusap lang talaga kami as in about everything. He’s such a blessing. He’s 6’1” or 6’2” right now. You’re gonna love him when you meet him. He’s a big gamer and also he wants to become a graphic artist when he grows up. Ang dami pa niyang gustong gawin,” pagdedetalye ni Denise.
Hanggang maaari ay ayaw nang pag-usapan ng aktres ang tungkol sa dating kasintahan na si Sol Mercado. Matatandaang naganap ang engagement ng aktres at basketbolista noong 2013. Hindi natuloy ang kasal at nagkahiwalay sina Denise at Sol noong 2016. “I won’t talk about Sol if that’s okay, because I feel like right now he has his wife, he has his kids. And if I say anything, mababasa ‘yan ng anak niya, pagtanda ng anak niya. Whatever stays on the internet is there forever,” giit ng aktres. — Reports from JCC
- Latest
