'Yolanda' lumakas pa; signal no.4 sa 5 lugar

MANILA, Philippines – Limang lugar sa Eastern Visayas ang nasa ilalim ng public storm warning signal number 4 sa patuloy na paglakas ng sinasabing pinakamalakas na bagyo sa buong mundo.

Sinabi ng Philippine Atmospheric, Geophysical and Astronomical Services Administration (PAGASA) na taglay ng bagyong “Yolanda” ang lakas na 215 kilometers per hour at bugsong aabot sa 250 kph.

Namataan ng PAGASA ang bagyo kaninang alas-4 ng hapon sa 543 kilometro timog-silangan ng Guiuan, Eastern Samar na gumagalaw sa bilis na 33 kph.

Itinaas ang public storm warning signal sa mga sumusunod na lugar:

SIGNAL NO. 4

Eastern Samar

Samar

Leyte

Southern Leyte

Biliran Island

SIGNAL NO. 3

Northern Samar

Masbate

Northern Cebu

Bantayan island

Mindanao

Siargao Island

Dinagat Province

SIGNAL NO. 2

Luzon

Romblon

Sorsogon

Albay

Burias Island

Visayas

Bohol

Negros Occidental

Negros Oriental

Aklan

Capiz

Antique

Iloilo

Guimaras

Mindanao

Surigao Del Norte

Surigao Del Sur

Agusan del Norte

SIGNAL NO. 1

Luzon

Camarines Norte

Camarines Sur

Catanduanes

Mindoro Provinces

Marinduque

Northern Palawan

Calamian Group of Island

Southern Quezon

Visayas

Siquijor

Mindanao

Misamis Oriental

Agusan del Sur

Inaasahang tatama sa kalupaan ng Samar o Leyte ang bagyo bukas ng umaga at daraan sa Biliran, hilagang bahagi ng Cebu, Iloilo, Capiz, Aklan, Romblon, Semirara Island,  katimugang parte ng Mindoro bago tumungo sa Busuanga, Palawan.

Tinatayang lalabas ng Philippine Area of Responsibility ang bagyo sa Biyernes ng gabi.