MANILA, Philippines – Dalawang Aprikanong estudyante ang binugbog ng mga kabataan sa isang bar sa Baguio City.
Nakilala ng mga pulis ang mga biktima na sina Rex Rami, 21 at Mozrecof Abduelzis, 19, kapwa nasa first year Information Technology students ng University of Cordilleras.
Binugbog ang dalawang Aprikano sa loob ng Red Lions Bar sa Barangay Salud Mitra bandang alas-5 ng madaling araw nitong Linggo.
Kaagad isinugod sa Baguio General Hospital and Medical Center ang dalawang biktima na kapwa nasa maayos nang kalagayan.
Nakilala lamang sa pangalang AA ang isa sa mga suspek.
Samantala, tumanggi naman ang dalawang Aprikano na sagutin ang pagtatanong ng mga pulis.
Patuloy pa rin ang imbestigasyon ng pulsiya sa insidente.